Impasingked ni Provincial Treasurer Mrs. Josephine Calajate nga adda dagiti nagatang a 356 units a laptop nga ipaay ti probinsia babaen ken ni Gob. Matthew Marcos Manotoc nga usaren iti online dagiti agad-adal iti masungad nga school year 2020-2021.
Segun kenkuana, adda pay ti nailatang a nasurok a 15 a milyon a pisos a maigatang iti Xerox machine a mausar ti pannakaproduce dagiti modules nga usaren pay dagiti ubbing wenno estudiante.
Segun pay kenkuana, adda pay ti isagsagana ti gobierno probinsial a 35 nilyon a pisos a maigatang kadagiti dadduma pay a kasapulan ti Dep-Ed nga aramaten met dagiti agad-adal.
Inlawlawag na daytoy ket malaksid pay iti ipaay ti gobierno nasional babaen iti bayanihan 2 a nangilatang da iti dakkel a pundo para iti DICT wenno Dept. of Informatio and Communication Technology.
Kuna ni Mrs. Calajate a nairanta met daytoy iti pannakapapintas ti internet connection iti intero a pilipinas nga immunan a naidanon pay a problema gapu ti kinakapsot iti signal.
Impasigurado ti Provincial Treasurer a sindadaan met ti probinsia a mangipaay pay iti aniaman a tulong wenno kiddawen ti Dep-Ed kas immunan nga impanamnama ni Gob. Matthew Marcos Manotoc. (OIC Rodrigo G. Sadian, RPN DZRL Batac)
(Source: Provincial Government of Ilocos Norte/ Communications & Media Office)