Cebu City – Gikonpirma na ni kanhi Department of Tourism Secretary Ace Durano nga modagan siya sa pagka gobernador sa Probinsya sa Sugbo sa 2022 elections.
Makig-atbang kini kang incumbent Cebu Governor Gwendolyn “Gwen” Garcia.
Gi-angkon ni Ace nga nadugay siya sa pag desisyon tungod kay matod pa ni retiro na siya sa politika ug alang niya okay na gyud kini sa pribado nga kinabuhi ubang sa iyang pamilya.
“But considering the current situation of the Province tungod aning Covid, if we remain to address it the way we are currently doing so, then this pandemic would affect us for a much-prolonged time,” matod ni Ace.
“Pasabot ana mas dugay ta na dili makakuyog ug makakita sa atong pamilya, mas dugay na dili ta maka-adto sa ubang lugar, and sadly, mas dugay ang panahon na sige ta’g kahadlok na mawad-an napud ta’g minahal sa kinabuhi tungod aning Covid,” dugang niini.
Sa imaging pipila ka buwan, nakig tagbo si Ace sa mga sectoral leaders tibook lalawigan aron sa pagpaminaw sa ilang mga concerns.
Niadtong Septembre 28, 2021, nag abot ang mga sectoral leaders gikan sa Urban Poor, Youth, Women’s, Health Workers, Transport, LGBTQ, NGO Leaders, alang sa pagpadayag sa ilang suporta ni Ace ug sa mamahimong running mate niini.
Gipahibaw ni Ace nga plansado na ang mamahimo niyang vice governor, pero itugyan lang kini niya mismo ang pag anunsyo ngadto sa iyang ka tandem.
Sa Gwen sa iyang bahin, namahayag nga iyang gi konsidera nga worthy opponent ang mo-atbang kaniya.
Gani, mihagit pa ang gobernador nga iyang padaganon kinsa kadtong dunay maayong ideya labot sa pagpakgang sa Covid-19 pandemic.
(Source: Barug Alang sa Kauswagan ug Demokrasya (BAKUD), photos courtesy of Gwen Garcia & Ace Durano’s Facebook page)