Nunot sa pagplastar sa datos sa City Health Office ug sa mga pampubliko ug pribadong ospital, nasuta nga 97.15% na ang kompletong nabakunahan sa Sinovac COVID-19 vaccines sa unang batch sa mga healthcare workers sa Cagayan de Oro.
Kini nagpasabot nga miabot na sa 4,913 sa 5,057 ka mga healthcare workers ang natupukan sa second dose.
Gibutyag ni Dr. Teodoro Yu Jr. sa CHO nga nakigtagbo kagahapon ang City Health Insurance Office – Data Management Task Group pinangulohan ni Dr. William Bernardo sa mga representante sa ospital aron pagtakdo sa datos.
Lakip sa mitambong sa meeting ang mga representante sa Camp Evangelista Station Hospital, Capitol University Medical Center, JR Borja General Hospital, Maria Reyna Xavier University Hospital, Northern Mindanao Medical Center ug Polymedic Medical Plaza ug Sabal Hospital.
(Source: Cagayan de Oro City Philippines Facebook page)