28.6 C
Manila
Friday, March 29, 2024

91% Enrollment Natala Sa DepEd Sarangani, Samtang Milo Philippines Nihatag Og Donasyon Sa Sarangani Sports Academy

- Advertisement -

Naka-andam na ang DepEd Sarangani sa pag-abri sa klase karong adlawa, Oktubre 5, ilalum sa new normal nga pagpatuon sa mga kabataan alayon sa direktiba ni DepEd Regional Director Allan Farnazo.

Segun ni Schools Division Superintendent/SDS Gildo Mosqueda, may mga hagit man sila nga nasinatian sa modular modality apan sa pagtinabangay matud pa sa mga magtutudlo, sitio ug barangay officials ug sa mga ginikanan, malampuson gihapon silang nakapadangat og mga printed material.

Sama sa gibuhat sa Kling, Kiamba sa liderato ni Barangay Kapitan Michael Chiongbian nga sa barangay hall na gipanguha sa mga ginikanan ang mga self-learning module. Sa barangay hall kuhaon ug didto napud kolektahon. Katugbang usab sa mga magtutudlo sa Pinol, boundary barangay sa Maitum, sa pag-distribute sa mga module ang mga personahe sa 2nd Sarangani Provincial Mobile Force Company sa grupo nila Assistant Team Leader Police Corporal Elizar Sapocado Jr. sa superbisyon ni Major Canieso Golwingon.

Nitala og sobra 91 percent ang enrolment sa DepEd Sarangani sa public school karon nga school year itandi sa nakalabay nga tuig. Maong nanawagan si SDS Mosqueda sa mga ginikanan nga pwede pang maka-enrol ang ilang mga anak bisan pa nagsugod na ang klase.

Nakig-partner ang DepEd Sarangani sa mga istasyon sa radyo alang sa blended education. Mao usab kini ang plastada sa FM station nga gipanag-iyahan sa Tamban National High School sa pagdumala nila Principal Marvin Lim ug Assistant Principal Boy Vigafria, naka-basi sa Barangay Tamban, Malungon, Sarangani Province, ang 104.5 Tamban FM.

Walay madunggan sa Tamban FM kundili ang lecture sa mga magtutudlo aron masabtan pa sa mga estudyante matag grade level ang madawat nila nga mga module. Suportado ang Tamban FM sa mga residente, Sangguniang Kabataan, barangay council nila Kapitan Asgapo, ug nila Governor Steve Chiongbian Solon ug Malungon Mayor Tessa Constantino.

Ilalum sa Sulong Karunungan program ni Governor Solon katambayayong ang tanang board member nila Board Member Jess Bascuña sa SP Committee on Education ug ni Vice Governor Elmer De Peralta, mukabat sa P14 Milyon ka pesos ang pasiunang ayuda sa Kapitolyo ngadto sa DepEd Sarangani gikan sa pondo sa Special Education Fund ug sa regular fund. Wala pay labot dinhi ang pag-abag sa mga mayor ug barangay kapitanes, ug sa suporta nila Senador Manny ug Congressman Ruel Pacquiao.

Ang ubang ayuda sa Kapitolyo sa Sarangani ang nahatag na sama sa reproduction-duplicating machines, bond papers ug mga kagamitan sa LR on WHEeLS, samtang ang uban ang gina-proseso pa aron mapalit ug ma-deliver na sa mga eskwelahan.

Sa pikas nga bahin, preparado na usab ang SaNSA kon Sarangani National Sports Academy, ang pinakauna nga high school sports academy sa entiro Region 12. Mapasalamaton sila SaNSA focal person DepEd Principal Rochel Bantulo-Morido ug Provincial Sports Coordinator Alma Gabuat nga nagpadangat sa ilang donasyon ang kumpanya nga MILO.

Niaging semana, gi-turnover ni Ms. Joy Abegail Eslais, maoy Milo Sports regional coordinator sa MILO Philippines-Southern Philippines Operations, ang 250 kabuok drawstring bag, 170 ka singlet uniform, mga collar uniform, plastic water bottle ug mga Milo nutritional pack nga mainum sa mga bata. Una ng nihatag og dakong donasyon sa SaNSA ang Globe Telecom alang sa libreng Samsung android cellphone, sim card ug binulang cellphone load matag student-athlete sulod sa usa ka tuig.
(Public Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -