Hugtanong naghangyo ang LGU CDO pinaagi sa City Health Office (CHO) alang niadtong wala pa nabakunahan ilabina sa adunay co-morbidities ug mga senior citizens nga magpabakuna na aron malikay sa severe o critical condition nga posibleng ikamatay kung mataptan sa COVID 19 virus.
Sa taho ni Dr. Teodoro Yu, Jr., medical officer sa CHO, atol sa daily presser sa City Hall kagahapong adlawa, 9 sa 10 nga wala mabakunahan ang nakabsan sa kinabuhi tungod sa ilang mga co-morbidities samtang nataptan sa virus.
Gani man, daghan sa mga nataptan nga mga bakunado nakasinati lamang og mild to moderate cases ingon man asymptomatic o walay mga gibati.
Dugang ni Dr. Ted Yu nga mokabat na sa 818 ang total COVID 19 deaths sa syudad, ug 741 niini wala mabakunahi.
Busa, naghangyo ang City Health Office ug ang kagamhanang lokal nga walaon na ang kahadlok sa mga wala pa nagpabakuna.
(Source: City Health Office)
