Cebu City – Girekomendar sa Mandaue City Prosecutor’s Office ang pagsang-at sa siyam ka counts sa kaso sa Falsification of Commercial Documents sa usa ka pribadong indibiduwal batok sa mga officer ug kawani DES Strong Motors Inc. nga unang gikeha sa Land Transportation Office o LTO-7 tungod sa giingong kahiwian.
Ang reklamo nga giduso sa LTO 7 pinaagi ni Director Victor Caindec nag-ingon nga ang mga respondents nagkonsabo pagpalsipikar sa mga dokumento nga gisumitir ug gi-upload sa “Land Transportation Office Do-It-Yourself System.”
Ang naasoyng mga officers ug employees sa lima ka motorcycle dealers giingong miduso og false invoices ngadto sa digital registration system sa LTO ngamanaglahi ang petsa diin ang uban postdated kon itandi sa actual Sales Invoices, Official Receipts, ug Delivery Receipts nga giisyo sa mga pumapalit.
Adunay siyam ka lainlaing invoices nga subject sa reklamo diin ang LTO-7 nagsusi na niini sukad pa sa Disyembre2019.
Apan sa counter-affidavit sa mga kawani, ilang gibarogan ang ilang ka inosente ug giinsister nga wa silay nalapas nga balaod. (Jhon Tadlip/JTY)
(News & photo courtesy of Office of the City Prosecutor-Mandaue City)
