Iriga City – Ipinasa-irarom na sa Blue Alert Status ni OCD Bicol Regional Director Claudio L. Yucot an bilog na rehiyon katakod kan palaogon na bagyo na may international name na Surigae “Bising” sa paglaog kaini sa PAR ngunian na aldaw.
Katuyuhan ni Yucot na magin andam an gabos na local counterpart tanganing magkaigua nin mahiwas na preparasyon sa magiging epekto kan bagyo.
Katakod kaini, tulos man na inalerto ni Gov. Migz Villafuerte kan Camarines Sur an gabos na MDRRMO asin CDRRMO tanganing gibohon an saindang magkakanigong preparasyon/pag-andam.
Sigun sa OCD maski yaon pa sa uncertainties kun magkakaigua nin landfall an bagyo o dai alagad maski magrani sana sa Bicol posibling magkaigua nin landslide O flashflood sa arin man na parte kan rehiyon.
Sa balyong lado, sibot naman an mga para-oma sa marikas na pag-ani kan saindang mga tinanom na paroy.
Bistado an Rinconada area sa Camarines Sur na iyo an rice granary kan probinsya, na ngunian nagpopoon pa sana an harvest season. (Melvin F. Barayoga, RPN DZKI OIC)
(Source: OCD Region 5)