CAGAYAN DE ORO CITY- Moabot sa 80 ka barangay sa syudad sa Cagayan de Oro ang mipa-activate sa ilang Barangay Health Emergency Response Teams (BHERT) aron matabangan pag address ang 2019 novel coronavirus problem sud sa matag komunidad. Kini nga Bhert gilangkoban sa executive officer, barangay tanod, health workers nga adunay mga protective gears sama sa surgical gowns, googles, masks ug gloves.
Gawas sa monitoring and surveillance, siguraduhon usab sa maong team ang pagpasabot ngadto sa mga residente labot na sa coronavirus. Base sa circular nga gipagula sa Department of Interior and Local Government nga Bherts mobisita usab sa mga pinuy-anan sa mga nahiabot nga pasahero gikan sa coronavirus-infected nga mga nasud diha sa ilang lokalidad. Ilang ilista ang ngalan sa posibleng suspetsado sa adunay kontak o bisan wala sa listahan sa mga arrivals gikan sa Bureau of Immigration.