Gipamatud-an sa Army’s 53rd Infantry “MATAPAT” Battalion ug JH Cerilles State College (JHC) ang kusog nga panag-uban, aron batukan ang pag pang-recruit sa CPP-NPA sa mga kabatan-onan, sa gihimong tigom sulod sa JHC Main Campus sa Barangay Mati, San Miguel, Zamboanga del Sur, kaniadtong nakalabayng adlaw.
Ang 53IB nagdonar og mga libro isip pagtuman sa mandato sa Philippine Army, nga pangalagaran ang katawhang Pilipino ug siguridad ang Pilipinas, ngadto sa JH Cerilles State College.
Ang Komandante sa 53rd IB, Lt. Col Jo-ar Herrera, nagpresentar sa Lima (5) ka libro lakip ang Crossing the Red Line, Leading from the Heart, The Wars Inside, Conquering the Hills, Breaking Free (from Communist Dec fraud), Marawi and Beyond ngadto sa Presidente sa nahisgutang State College.
Ang nasangpit nga mga libro, nagsaysay sa aktwal nga asoy sa mga batan-on nga kaniadto nalimbungan sa rebelyon, ug katatagan, ang malampuson nga mga kampanya sa militar kontra sa mga komunista nga terorista sa Zamboanga Peninsula ug Misamis Occidental, gisulat ang mga hagit, nahibal-an nga leksyon, ug mga kadaugan sa Philippine Army sa panahon sa gubat sa Marawi, ug mga pakigbisog sa kanhi Top CPP-NPA-NDF Commander.
Matod pa ni Lt. Col. Herrera, nga ang mga magtutudlo ug propesor, maoy mga instrumento sa pagtukod ug paghulma sa mga hunahuna sa mga mosunod nga henerasyon. Nag-umol sila sa maayo nga mga abogado, doktor, negosyante, ug daghan pa.
Ang batalyon nagtuo nga ang mga institusyong pang-akademiko mas makahimo sa paghulma sa mga maayong buhat alang sa kalinaw sa atong nasud. Nagpasalamat ang Presidente sa JHC State College nga si Dr. Mary Jocelyn V. Battung, sa pagbisita sa opisyal sa militar ug pagdonar sa maong mga libro.
Ang mga estudyante ug magtutudlo angayan nga mahibal-an ang mga leksyon sa kalinaw ug seguridad sa Zamboanga del Sur.
Dugang pa ni Dr. Battung, ang mga paningkamot ug inisyatibo sa 53IB sa pagbuntog sa communist terrorist group, mahatagag gahum ug pagsangkap sa mga kabatan-onan nga pugngan ug panalipdan ang ilang kaugalingon batok sa ekstremismo ug ideyolohiya sa kapintasan.
Atol sa maong tigom, gihisgutan ang Peace and Security, Stop Dec fraud and Radicalization, Empowering Student, Collaboration ug mga programa aron suportahan ang mga kanhi rebelde, espesyal nga seksyon sa laybrarya alang sa mga libro sa kalinaw ug seguridad nga gidonar sa Philippine Army.
Ang JHC State College gilangkuban sa Upat (4) ka Campus; ang Main Campus sa Mati, San Miguel, ang Dumingag Campus sa Caridad, Dumingag, ang Canuto MS Enerio Campus sa Biswangan, Lakewood, ug ang Pagadian Annex sa Barangay Balangasan District, Pagadian City, Zamboanga del Sur. Diin adunay 10, 000 ka kinatibuk-ang ihap sa mga estudyante ug 450 nga mga Miyembro sa Faculty and Staffs. (Nena M. Garcia)