General Santos City – Balhog karon sa selda sa Makar Police station ang unom ka mga batan-ong suspek sa pag-gang rape matud pa sa usa ka menor de edad sa Brgy. Apopong ning syudad.
Sa report, sa Makar Police station nag-edad ang mga suspek ug 18, 19, 20 anyos, samtang ang 2 mga menor de edad usab. Samtang ang ika-unom matud pa nga suspek ang usa ka alyas Lablab Service driver sa Brgy. Apopong ning syudad ug anak sa kanhing barangay kagawad sa Brgy. Apopong.
Sumala pa nga nagpakitabang matud pa ang biktima sa usa ka paryente sa barangay kagawad sa maong barangay. Si Brgy. Kagawad Jun Lacia ug gisaysay ang nahitabo. Didto na ila dayong giaksyunan ang report ug giadtuan ang balay sa usa ka alyas Lablab nga anak usab sa kanhing kagawad sa maong barangay.
Atol sa pagrespondi sa lugar naabtan pa ang lima nga mga suspek kung asa positibo matud pa nga gitudlo sa biktima nga si alyas Joan. Apan wala na naabti pa ang tag iya sa panimalay nga si Alyas Love nga service driver sa Brgy. Apopong.
Saysay pa sa biktima nga nagkita matud pa sila sa iyang higala nga uyab uyab usab sa usa sa mga suspek ug naghagaray nga mag inum. Mibalibad matud pa ang biktima nga moinum tungod aduna kini sakit nga asthma, apan gipugos matud pa sa mga suspek. Sa diha matud pa nga nahubog na kini didto na kini gitabangan ug lugos sa mga suspek.
Samtang sa habig usab sa mga suspek, gipasaligan matud pa sila sa suspek nga si Alyas Lablab nga dili mahadlok tungod barangay tanod matud pa kini. Apan gipanghimakak usab kini ni Kagawad Lacia tungod dili kini tanod kondili service driver kini sa barangay ug anak sa kanhing barangay kagawad sa maong barangay
Sa kasamtangan giandam na sa kapulisan sa Makar police station ang kasong rape batok sa mga suspek samtang ang 2 ka menor de edad ang giturn over na usab sa bahay pag asa sa DSWD. (John Rey Somido)