33 C
Manila
Wednesday, April 24, 2024

5.7M kantidad sa cocaine nadagsa sa baybayon sa Bitaug, Burgos, Surigao del Norte

- Advertisement -

Burgos, Surigao del Norte – An mga tinugyanan sa kapulisan sa Burgos Municipal Police Station nakasakmit ug kapin sa lima ka milyon na kantidad sa cocaine ngayong adlawa, Marso 8.

Si Provincial Director, Police Colonel Laudemer M. Laude, niila sa mga impormante na isa ka 22-anyos na lalaki ug isa ka 24-anyos na babaje, puros residente sa Purok Gemelina, Barangay Poblacion 2, Burgos, Surigao del Norte.

Mga alas 5:30 kagahapong sa hapon, nakadawat ug tawag sa telepono an mga police personnel sa Burgos MPS gikan sa isa ka impormante na jaoy isa ka pakete sa gidudahang cocaine na nakit-an sa baybayon sa Barangay Bitaug, lungsod sa Burgos.

Sa report sa Burgos Municipal Police Station, samtang nag baktas an upat ka managhigala daplin sa baybayon sa Barangay Bitaug, ilang nakut.an an isa ka butang na giputos ug maayo sa cellophane sa pagsulay sa pag-abli niini, gidudahang ilegal kini na drugas.

Daling miresponde an kapulisan sa lugar daya an duha ka menor de edad na impormante. Human sa verification ug imbestigasyon, ilang nakit-an an isa ka gidudahang pakete sa cocaine na gitak-opan sa transparent plastic na gibana-bana motimbang ug 1.08 kilos na jaoy kinatibuk-ang standard na presyo sa kantidas Php5, 724,000.00.

An narekober na butang jaon kuman sa kustodiya sa Burgos Municipal Police Station ug gikatakdang ihatod sa PNP Crime Laboratory alang sa eksaminasyon ug tukmang disposasyon. (Ronda 21 Mark James Lisondra)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -