Surigao del Norte – An mga operatiba sa kapulisan sa San Isidro ug Socorro Municipal Police Stations nasikop an tuyo ka mga suspetsado tungod sa paglapas sa Republic Act No. 11038 ngayon, Marso 8.
Si Police Colonel Laudemer M. Laude, an Provincial Director, niila sa mga suspek na isa ka 34-anyos nga menyo na dump truck driver na taga Dapa, Surigao del Norte; isa ka 21-anyos na ulitawo na backhoe operator na taga Toledo, Cebu; ug isa ka 44-anyos na ulitawo na drayber na taga Socorro, Surigao del Norte.
Mga alas 3:50 sa hapon nasikop sa mga operatiba sa kapulisan sa Socorro MPS, iban sa mga personahe sa DENR PAMO-SIPLAS sa Socorro, an isa ka suspek na nasakpan sa akto na naglambigit sa illegal na pag-quarry sa Barangay Nueva Estrella, lungsod sa Socorro, ug nasakmit an isa ka unit sa yellow Volvo backhoe na adunay gibanabana na market value na PhP2, 600,000.00.
Laing anti-illegal quarrying operation an gihimo sa Sitio Bulacan, lungsod sa San Isidro mga alas 10:30 sa duyom pinaagi sa mga operatiba sa kapulisan sa San Isidro MPS iban sa mga sakop sa Provincial Environment and Natural Resources Office (PENRO).
Nasikop sa mga operatiba an duha ka mga suspek, kinsa nasakpan sa akto nga nagkarga og graba sa isa ka protective area sa munisipyo. Nasakmit gikan sa mga operasyon an isa ka unit sa FUSO Dump truck, color blue, bearing plate number AVA4493 na nakarehistro ubos sa Genzu Hauling Services na jaoy gibanabana na market value na Pph1,000,000.00 ug isa ka unit sa Caterpillar Backhoe, color yellow, Model number 32OD2 product identification number CAT0320DCLCA00362 na jaoy gibanabana sa kantidad sa merkado na Php3,000,000.00.
An tuyo ka mga suspek nakalapas sa Republic Act No. 11038, ang “Expanded National Integrated Protected Areas System (ENIPAS) Act of 2018,” pinaagi sa pagkapakyas sa pagpresentar sa gikinahanglan nga mga permit ug mga dokumento atol sa proseso sa verification.
An mga dinakpan ug nasakmit na mga butang anaa na karon sa tagsa-tagsa ka municipal police stations alang sa tukmang disposasyon. (Ronda 21 Mark James Lisondra)