Mokabat sa 41 ka mga establishments sa Cagayan de Oro ang nahatagan og ‘Safety Seal Certificate’ gikan sa city hall tungod sa pagsunod sa mga health safety protocols.
Sumala pa sa taho sa Safety Seal Inspection and Certification Committee ubos sa pagpangulo ni City Administrator Teddy Sabugaa Jr. nga mokabat na sa 183 ka mga establisemento ang nag-apply sa ‘Safety Seal’, diin 113 ang nasusi na sa inspection committee, samtang 70 ang naghulat sa validation sa mga rekisitos.
Ang pag-issue sa syudad og ‘Safety Seal Certificate’ maoy pamatuod nga ‘compliant’ o’ nagsunod sa minimum public health standards ang usa ka establisemento.
Kini nunot sa kampanya sa gobyerno nga maproteksyonan ang mga kliyente ug staff sa matag establishment batok sa makamatay nga Covid-19 virus.
Alang sa mga business establishments nga wala pa nag-apply, mahimo silang mo-apply online sa ‘Safety Seal Certification Program’ pinaagi sa microsite nga: https://services.cagayandeoro.gov.ph/cdosafetyseal/.
Gawas sa CDO LGU, lakip sa mga issuing authorities sa ‘Safety Seal’ ang mga buhatan sa Dep’t of Tourism (DoT), Dep’t of Labor and Employment (DOLE), Dep’t of Trade and Industry (DTI) ug Dep’t of the Interior and Local Gov’t (DILG).
(Source: Cagayan de Oro City Philippines Facebook page)