Sinertipikahan na ng Research Institute for Tropical Medicine (RITM) ang apat na laboratory sa bansa para sa coronavirus disease 2019 (COVID-19).
Ayon kay Health Undersecretary Maria Rosario Vergeire, maari nang magsagawa at maglabas ng test results ang mga sumusunod na labarotoryo para sa COVID-19 testing:
Baguio General Hospital and Medical Center
San Lazaro Ospital
Vicente Sotto Memorial Medical Center
Southern Philippines Medical Center
Sinabi ni Vergeire, nabigyan ang mga nabanggit na ospital ng full certification kung saan nangangahulugan aniya ito na maari nang magsagawa ang mga nabanggit na laboratoryo ng kanilang COVID-19 testing nang hindi na bini-beripika pa ng RITM.
Dahil dito, sinabi ni Vergeire na asahan na ang pagtaas ng bilang ng kaso ng COVID-19 sa bansa dahil dumarami na ang mga laboratoryo na maaring magsagawa at maglabas ng resulta.