Hindi kumbinsido si U.P. Professor Guido David na pumapalo na sa 3 milyon ang bilang ng mga unreported cases ng coronavirus disease 2019 (COVID-19) sa Pilipinas.
Ito ay kaugnay ng ulat na inilabas ng Ateneo de Manila kung saan lumabas na nasa 3 milyon na ang bilang ng kaso ng COVID-19 sa Pilipinas.
Sinabi ni David, tiwala siya na posibleng mas marami pa sa kabuuang bilang ng COVID-19 ang kaso sa bansa, ngunit hindi aniya siya naniniwala na nasa 3 milyon na ang kaso nito sa Pilipinas.
Dahil dito, tinawag ni David ‘stretch’ o pinalaki lamang ang report na milyon na ang bilang ng mga un-detected cases ng COVID-19.
Gayunman, welcome naman kay DAVID ang naturang pag-aaral at sinabi nitong maari itong gawing batayan sa iba pang gagawing mga pag-aaral hinggil sa pandemya.