Davao del Sur – Gikasa sa pwersa sa Digos City Police Station, PDEA-XI, PDEA-Davao Del Sur ug NBI-XI ang drug buy bust operation sa Purok Eagle, Barangay Zone 3, Digos City, Davao Del Sur karong adlawa, Marso 4.
Sumala sa report, napalitan sa poseur buyer kinsa agent sa PDEA og balor 5,000 pesos ang target sa operasyon nga giila sa PDEA nga si Jeferson Keebler Cabrera, 27 anyos nga nasayran sa mga otoridad nga drug den maintainer.
Naabtan pa gyud sa mga operatiba ang duha ka drug den visitors nga giila sa PDEA nga sila Dawn Patrick Cabrera ug Rojie Taypin nga giingong nag shabu session.
Kapin 90,000 pesos ang kantidad sa illegal nga droga ang nasignit sa mga otoridad base sa Dangerous Drugs Board value. (Camille Santos Naraga)
(Source: PDEA XI)