CAGAYAN DE ORO CITY- Provincial Health Office sa Misamis Oriental mitaho sa adunay tulo ka personahe sa Misamis Oriental Provincial Hospital-Balingasag ang natakbuyan sa 2019 novel coronavirus sud sa medical facility.
Ang maong infections nakuha tapos usa ka 46-anyos babayeng empleyado ang unang nakakuha sa virus isip authorized person outside residence o apor ug giilang ika-tulo nga konpirmadong Covid-19 patient sa lungsod sa Balingasag.
Tungod sa maong kahimtang gipasirhan una ang maong tambalan sa pagkakaron sud sa 14 diyas alang sa disinfection ug quarantine sa mga close contact employees, matud pa ni Dr. Jerie Calingasan ang head sa Provincial Health Office ug chief sa Covid-19 provincial task force sa probinsya.
Gibutyag ni Calingasan nga ang tulo ka mga virus carriers pulos mga administrative personnel sa nasangpit nga tambalanan, nuon walay medical ug health care workers ang apektado.
Si Atty. Jeffrey Saclot, spokesperson sa PCTF nagsugilon nga ang mga hospital patients ang gipangtransfer sa ubang tambalan aron maseguro nga dili mabalda ang paghatag pag-atiman nila.
Gawas sa MOPH-Balingasag, adunay unom pa ka laing provincial government-ran hospitals ang nahimutang sa Talisayan ug Gingoog sa este nga bahin ug anaa sa Alubijid, Initao ug Manticao sa weste nga bahin.
Sukad niadtong adlaw nga Sabado, ang probinsya adunay 70 na ka konpirmadong Covid-19 case 63 niana gicategorize nga ROF/LSI. Sa maong gidaghanon duha naa sa tambalanan, 43 ang mga outpatients nga naa gipahimutang sa isolation units sa mga munisipyo, 24 ang nakarecover na ug adunay nag-inusara nga nakabsan sa kinabuhi sa lungsod sa Opol. (OIC Gin B. Serohijos, RPN DXKO Cagayan De Oro)
(Source: PHO-MisOr)
