Uppat A Kameng Ti PNP Piddig A Naipadalan Iti ‘’Swab Test’’ , Agpapada A Nagnegatibo

0
25

Nagnegatibo dagiti kameng ti Phil. National Police ti ili a Piddig nga inrekomendar ni Municipal Health Officer Dr. Sheena Garcia ti nadakamat nga ili a dumalan iti ‘’swab test’’.

Segun ken ni Pol. Capt. Christoper Ramos, Hepe ti PNP Piddig, dagitoy ket dua a Non Uniformed Personnel ken dua a Uniformed Personnel.

Inlawlawagna a dagiti uppat ket nagtalinaed iti ‘’Isolation unit’’ ti gobierno municipal ti nadakamat nga ili bayat ti panangiyurayda iti resulta ti ‘’swab test’’.

Nupay kasta, kalpasan a naparuk-atan ti resulta ti swab test a nagnegatibo dagitoy ket rimmuarda a dagus iti ‘’isolation unit’’.

Imbatadna a dagiti uppat a kament ti PNP ket dagiti adda pakainaiganna iti ‘’Balik Piddig’’ kas suporta iti ‘’Balik Probinsia Program’’ wenno dagiti mapan mangsabat kadagiti kakailianda.

Inayunna a malaksid dagiti uppat a kameng ti PNP ket adda pay ti dua a Local Stranded Individual wenno LSI a naipadalan iti ‘’swab test. (Ronald Domingo)

 

(Source: LGU Piddig Ilocos Norte)

Leave a Reply