2nd wave ng COVID-19 posibleng mangyari sa ilang mga lugar sa bansa

Ibinabala ng isang opisyal ng Department of Health (DOH) ang posibleng pagkakaroon ng second wave ng COVID-19, sa pag-alis ng mga quarantine restrictions sa ilang lugar sa bansa.

Ito ang inihayag ni DOH Director Eric Tayag na isa ring epidemiologist and infectious disease expert, matapos na dumagsa ang ilang Pilipino sa mga malls at iba pang pampublikong lugar nitong mga nakaraang araw.

Ayon kay Tayag, hindi ito malabong mangyari gayung wala pang bakuna laban sa COVID-19.

Dahil dito, hinihimok ni Tayag ang publiko na may nararamdamang sintomas ng COVID-19 na manatili sa kani-kanilang mga bahay.