India, Bangladesh naghahanda na sa pagdating ng cyclone Amphan

Pinaghahandaan na ng India at Bangladesh ang pagdating ng cyclone Amphan sa kanilang bansa.

Ang lakas kasi ang bagyong Amphan ay katumbas ng category 4 Atlantic hurricane o kasing lakas ng super typhoon sa West Pacific.

Dala nito ang lakas ng hanging umaabot sa 240 kilometro kada oras.

Gayunman nakikita naman ng mga eksperto ang paghina ng bagyo oras na mag-landfall na ito bukas sa Ganges River Delta na border ng India at Bangladesh.

Bagamat inaasahang hihina ito ay nagbabala parin ang mga otoridad sa mga residente ng India at Bangladesh na magdudulot parin ang bagyo ng matinding pagbaha.