“Drug-cleared” na ang 24 ka barangay gikan sa lalawigan human ang gipahigayong deliberasyon sa Regional Oversight Committee Barangay Drug-Cleared Program kun ROCBDCP nga gipahigayon sa Maguindanao Hall, PGC, Dao, Pagadian City, adlawng Huwebes, Agosto 5, 2021.
Gihimo kining programa aron padayon nga mamonitor ang mga kabarangayan kun makapasar ba kini sa mga lagda sa committee aron madeklarang ‘cleared’ sa ginadiling droga.
Gipangunahan ang maong panagtigom sa Department of Interior and Local Government Zamboanga del Sur pinaagi ni Director Moh Taha S. Aracama, PNP regional director representative nga si Police Major Gilbbert Arnas, DOH Regional Office-IX representative Mr. Antonio Gemoto ug ang Regional Director sa PDEA-9 nga si RD Emerson Margate.
Subay sa talaan sa oversight committee, ang musunod nga barangay mao ang gideklarang ‘drug-cleared’:
- San Miguel: Laperian
- Tukuran: Baclay, Libertad, Lower Bayao, Navalan, Sugod, Tinotongan
- Ramon Magsaysay: Caniangan, Campo V, Dipalusan, Katipunan, Lower Sambulawan
- Tambulig: Balucot, Gabunon, Riverside, Tungawan
- Dimataling: Libertad, San Roque, Tinggabulong
- Dumalinao: Malasik, Tickwas
- Midsalip: Cabaluran, Dakayakan, Timbaboy
Nasayran atol sa maong kalihukan nga ang Zamboanga Del Sur maoy nanguna sa dunay pinakaubos og rate sa Drug Affection sa tibuok Region IX.
Sa pagkakaron, mokabat na sa 454 ka mga barangay sa probinsya ang nadeklarang “drug-cleared”.
Ilawom sa administrasyon ni Gov. Victor Yu, gipakita gayud niini ang dakong suporta sa kampanya batok ilegal nga droga ni Presidente Rodrigo Duterte pinaagi sa paggahin og financial ug logistic support sa kapulisan.
(Source: ZDS Press Bureau, photo courtesy of Victory Zamboanga del Sur)