Cebu City – Nadugangan ug laing upat ka kaso sa Covid-19 Delta variant ang 19 ka mga kaso( Delta) gikan sa Syudad sa Lapu-Lapu.
Kini ang gibutyag ni Department of Health (DOH) 7 Regional Director Dr. Jaime Bernadas, Biyernes, Agosto 6, 2021.
Sa sayo pa, namahayag si Bernadas nga ang dugang upat ka bag-ong mga kaso sa Delta variant gikan sa samang batch sa sample nga ilang gipadala sa Philippine Genome Center for genomic sequencing nga mi resulta sa unang 32 nga natala nga Delta variant sa Sugbo.
Ang maong mga samples gikuha gikan sa Hulyo 4 ngadto sa 10, 2021.
Sa kinatibuk-an miabot na ug 36 ka mga kaso sa Delta variant sa sugbo.
“It’s August now, it is well beyond the course of the disease. It is also presumed they were all contained from where they are isolated and tested,” matod ni Bernadas.
Sa report sa DOH-UP-PGC ug UP NIH karong adlawa, dunay dugang detection nga miabot ug 122 ka mga kaso with Beta variant, 113 ka mga kaso with Delta variant, 113 ka mga kaso with Alphan variant ug 10 sa P.3 variant cases gikan sa labing uwahing batch sa samples gikan sa UP-PGC.
Sa pagkakaron, ang UP-PGC naka sequence ug kinatibuk-an nga 10, 097 samples.
Sigon pa sa DOH nga samtang gitun-an pa ang community transmission sa Delta variant, ang national government uban sa mga LGU’s kinahanglan mohimog agresibong lakang pag isip nga duna nay community transmission.
Dugang niini, gi-awhag ang publiko sa pagpadayon pag protehir sa ilang kaugalingon ug sa ilang pamilya pinaagi sa pagtamod sa minimum public health standards ug pag avail sa libre nga Covid-19 vaccination program kon sila eligible. (Jhon Tadlip)
(News & photo courtesy of Department of Health-Central Visayas Center for Health Development)