Cebu City – Nahunong ang modus sa 23 anyos nga lalake nga mang biktima sa iyang higala o hinigugma sa social media gamit ang dummy account nga dunay gwapo nga hulagway human kini masikop sa kapolisan sa Talisay City Police Office.
Si Robert Debulosan nga taga Cabantug Argao Cebu naghupot ug 17 ka dummy Facebook account gi reklamo sa usa ka babay, Ms. Isay ( dili tinood niyang ngan) nga taga Syudad sa Talisay.
Matod sa kapolisan nga gi ingong nagkarelasyon sila si Debulosan gamit ang John Mark Samson nga FB account ug si Isay niadtong Pebrero 14 Valentines Day bisan ug wala pa sila magkita sukad.
Gibutyag ni Police Lieutenant Roberto Barnido sa Talisay City Police Office nga nihagad si Delusan nga mag videocall ug mag sex video silang duha.
Sa pagtoo nga gwapo ang iyang ka chat basi sa profile pic, giingong misugot si Isay bisan kon wala mopakita sa iyang nawong si Debulosan.
Niadtong higayona, way kasayuran ang babay nga gikuhaan siya ug hulagway sa lalake.
Human sa hitabo, gihagad sa suspek ang babay nga magkita sa personal aron hinoon sa aktwal ang pakighilawas, apan nibalidad si Isay.
Kini hinungdan nga mihulga ang si Debulosan nga ipost ang iyang hulagway kon dili mosogot.
Nagtoo ang babayeng biktima nga dili tinud-on sa lalake ang bahad.
Mao na lay nahibaw-an nI Isay nga mikatap na ang iyang hubo nga hulagway nga gika-uwaw niya pag-ayo.
Hinungdan nga midangop ang babay ngadto sa kapolisan ug nahitabo ang entrapment operation gumikan sa kalapasan sa Anti Photo and video voyeurism act of 2009.
Atol sa operation, nakuhaan si Debulosan ug tulo ka gagmayng pakete sa gituuhang shabu.
Gitanggong karon si Debulosan sa Talisay City Police Station gumikan sa nahisgutang reklamo.
(Jhon Tadlip/JTY)
(News & photo courtesy of Talisay City Police Office)
