Cebu City – Nagpositibo sa coronavirus disease ang 22 ka tawo nga gilangkoban sa mga boatmen ug island hopping operators sa dakbayan sa Lapu-Lapu.
Mao kini gitug-an ni Grace Carungay, pangu sa City Epidemiological and Surveillance Unit kagahapon.
Sa maong gidaghanon, 19 ang taga Olango ug tulo sa Brgy. Maribago.
Ang 22 nga nataptan sa Covid 19 gilain na pagbutang sa Sta. Rosa Community Hospital sa Olango ug sa Lapu-Lapu City College sa Brgy. Gun-ob.
Suma pa ni Carungay, ilang gitambag nga wala nay home isolation ug kinahanglan nang isulod sa facility o sa ospital ang mga pasyente bisan pa kon asymptomatic aron ma-contain ang virus  ug dili manakod sa uban.
Subay niini, ang CHO o  City Health Office nagpahigayon na og contact tracing sa Olango Island sugod gahapon aron pag-ila niadtong na-expose sa  mga positibong pasyente sa COVID-19. (Jhon Tadlip /JTY)
(Source: Lapu-Lapu City Epidemiological Surveillance Unit)