Sunod-sunod nga operation ang gilusad sa kapulisan kagabie nga diin dakpan sanan jaon kuman sa kustodiya sa City PNP ang suspetsado sa pagpamaligya sa ginadiling droga sa gilusad nga buy bust operation sa DEU kagabie sa may Purok 2, Brgy. San Juan, Surigao City sa alas 9:30 ang takna sa gabie.
Naila ang suspetsado nga si Dexter Vasquez Talamayan, a.k.a. Taw-taw, 21 anyos, layaki, ulitawo, wayay trabaho, residente sa Purok 4, Brgy. San Juan.
Nakompiska sa possession sa suspect ang
° Isa (1) ka plastic sachet sa suspected Shabu nga gipalit sa poseur-buyer gikan sa gi-aresto nga suspetsado nga gibana-bana motimbang sa kapin kon ku
lang 0.05 gram sa kantidad (P 590.00)
° Isa (1) ka P500.00 marked money;
° Isa (1) ka black Sony cellular phone;
° Isa (1) ka P50.00 nga kwarta
° Isa (1) ka assorted colored coin purse ug
° Tulo (3) ka plastic sachets sa suspected Shabu nga gibana-bana motimbang sa .1 gram sa kantidad P1,180.00
Mag atubang sa kasong paglapas sa sec. 5 ug sec. 11 sa RA 9165 ang maong suspetsado.
Samtang pagka 11:30 ang takna sa gabie
laing suspect ang nadakpan sa pagpamaligya sa ginadiling droga sa may Pantalan II, Boulevard, Brgy. Taft, Surigao City.
Naila ang suspect nga si RACHEL ANN HERNANDEZ also known as Chinsy, babaje, 18 anyos, dalaga, waitress, residente sa Payawan I, Km. 2, Brgy. Luna, Surigao City.
Nakompiska sa possession sa suspect ang
° Isa (1) ka plastic sachet sa suspected Shabu nga gipalit sa poseur-buyer gikan sa possession suspect nga gibana-bana motinbang sa 0.05 gram sa kantidad (P 590.00)
° Isa (1) ka (P 500.00) marked money;
° Isa (1) ka White Samsung cellular phone;
° Isa (1) ka pink ladies wallet;
° kwarta sa kantidad (P 110.00);
Mag atubang sa kasong paglapas sa sec. 5 sa RA 9165 ang maong babajeng suspetsado. (Mark James Lisondra, Ronda 21 RPN DXKS)