Duha ang patay ug usa ang samdan sa nahitabong pagpamusil sa Malandag Cockpit Gallera sa munisipyo sa Malungon, Sarangani province, Biyernes sa gabii, March 19.
Giila ni municipal police station chief, Police Lt/Col. Edgar Yago ang mga fatalities nga silang John Anthony Tuazon nga residente sa Leyson Subdivision, Polomolok ug usa ka Albar Amirkan nga taga-Crossing Acmunan sa munisipyo sa Tupi sa South Cotabato.
Samdan usab ang usa pa ka alyas “Tata” nga residente sa Leyson Subdivision sa munisipyo sa Polomolok.
Nahitabo ang insidente takna alas-7:00 sa gabii.
Saysay sa opisyal, posible matod pang dili lamang usa ang gunmen sa maong pagpamusil, human adunay marekober nga walo ka empty shells sa caliber. 45 sa crime scene.
“Sa atong theory, ining mga biktima, ginsudan na daan. Sa aton pa, ginhulat na sila nga mahuman (sabong) og paggawas, naka-posting na daan ang mga suspek. Kining si Tuazon, naka-lingkod na sa passenger side sa usa ka unit sa Honda Fit, paglingkod niya, didto na giduulan og gipusil,” ang tipik sa pamahayag sa police official.
Padayon pa ang ginahimong follow-up investigation sa mga otoridad sa insidente. (John Rey Somido)