- Advertisement -
Isinailalim sa isang linggong lockdown ang dalawang barangay sa Caloocan City mula kahapon, Linggo, ika-26 ng Hulyo, na tatagal hanggang sa unang araw ng Agosto.
Ito ay ang Barangay 95 at Barangay 97, upang mapigilan ang pagkalat pa ng coronavirus disease 2019 (COVID-19) makaraang makapagtala na ng 20 kumpirmadong kaso ng COVID-19 sa Barangay 95, 97, at 13.
Samantala, nitong Linggo, nasa kabuuang 2,083 naman ang COVID-19 cases sa Caloocan City; kung saan 1,201 sa mga ito ang naka-recover na habang 103 naman ang mga nasawi.
- Advertisement -
