Dead on arrival sa Rural Health Unit (RHU) sa San Isidro, Surigao del Norte ang 2 anyos nga batang lalake human kini nalumos niadtong Miyerkules, Mayo 13 didto sa Brgy. Buhing Kalipay, San Isidro.
Sumala pa, mga alas 2:00 sa hapon niadtong adlawa o petsaha, gisalig sa inahan nga mao si Marilou Bonono Escobia, ang iyang bata ngadto sa iyang 12 anyos nga anak kay nagkuha ug sweldo isip job order sa LGU.
Samtang ang iyang 12 anyos nga anak nga nangita ug tv sa pinuy-anan sa ilang auntie, wala niini mabantayi ang bata nga migawas ug naglakaw-lakaw sa palibot. Ila kining gipangita, ug human sa usa ka oras, ang napalgan na lamang kini sa uncle nga mao si Gilberto Delos Reyes Dela Cruz nga didto na sa main canal sa irrigation along farm to market road sa nasampit nga barangay.
Dali kining gidagan sa RHU apan gideklara sa attending Physician nga mao si Dra. Yande Grace Sapuras nga dead on arrival ang batang biktima. (Jun Prex Salubre, Ronda 6 RPN DXKS)
