Cebu City – Miabot og 150 milyones pesos ang kantidad sa ginadiling droga nasakmit sa hiniusang operation sa kapolisan ug sa mga sakop sa Philippine Drug Enforcement Agency o PDEA-7 sa dakbayan sa Lapu-Lapu gahapon sa hapon.
Gilusad sa mga awtoridad ang buy bust operation sa Brgy. Suba-basbas nianang alas 4 pasado sa hapon.
Suma pa sa report sa PDEA, miabot og 22.1 ka kilo ang illegal drugs nga nailog sa mga mananakop gikan sa giilang HVI o high-value individual.
Nailhan ang dinakpan nga si Gilbert Lumanog nga mulupyo sa Brgy. Poblacion, Pinamungajan, Cebu.
Apan dihang gipangutana sa mga sakop sa media, nagdumili pagtubag si Lumanog ug igo lang mipasalig nga mokooperar siya sa imbestigasyon sa kapolisan.
Hinuon, wala pa maklaro kon ang nakuhang mga ebidensiya gikan kang Lumanog high-grade shabu ba kay gipahiling pa man sa PNP Crime Laboratory.
Subay niini, gidayeg ni Mayor Junard “Ahong” Chan ang director sa LCPO ngasi Col. Clarito Baja.
Alang ni Chan, mao kini labing dako o labing daghang droga nga nasakmit dinhi sa Sugbo.
(Jhon Tadlip /JTY, photo courtesy by Junard Chan)
(Source: Lapu-Lapu City – Provincial Information Office)