Cebu City – Magpabilin sa ilang opisina ang mga opisyal sa Brgy. Tubod, Barili, Cebu nga nanurender sa kapolisan tungod sa kasong pangurakot nga ilang giatubang hinungdang naisyohan sila og warrant of arrest.
Nahinabi sa media, si Mayor Julieto Flores miingon nga sanglit kasong criminal man ang giatubang sa mga opisyal makapadayon sila pag-alagad sa barangay human maka piyansa.
Gipasabot ni Flores nga di masuspenso ang kapitan ug mga kauban ug kay gihusay pa man ang ilang kaso, maisip pa silang inosente.
Hangtod di pa masilbi ang suspension order sa DILG o Department of Interior and Local Government, magpadayon pag-alagad sa mga constituents ang mga barangay officials.
Sa nasayran, sila si Kapitan Aurelio Mabano, Konsehal Mercy Camonas, Romulo Omalay, BalerianoMabano, Roy Tangarorang, Loreto Ejambre, Arthur Aranda, ug Carlo Emnacen boluntaryong mitahan sa ilang kaugalingon dihang gi-serve sa kapolisan ang arrest warrant ug gitanggong sa kapolisan sa Barili.
Mitahan usab ang mga barangay health workers nga sila si Victoria Talara, Maricar Escabillas, Mary Jane Elizar, Modesta Mambinuyao, ug LudyTanudra lakip kang Ruchina Panugaling, usa ka parent leader sa 4Ps. (Jhon Tadlip/JTY, photo courtesy by Alvin Fajardo)
(Source: Municipality of Barili)