Cagayan de Oro City – Hugot ang panawagan ni konsehal Girlie Balaba, chairman sa komite sa social services, katawhan sa dakbayan nga magtamod sa minimum helath safety protocols aron malikayan nga matakbuyan sa corona virus.
Kini ang pahinumdum sa konsehal ilabina niining panahon nga nag-anam og saka ang kaso sa mga nagpositibo sa Covid-19 dinhi sa dakbayan.
Unta likayan nato ang magtapok-tapok kay usa kini sa namatikdang hinungdan sa pagkaylap sa virus. Ang pag-obserbar sa physical distancing dako og ikaamot dinha sa tinguha nga dili matakbuyan sa sakit, panawagan ni Balaba.
Gawas nga adunay multa o silot sa dili pagtuman sa physical distancing ug pagsuot sa face mask, makatabang gayud kini nga malikayan nato ang sakit. Dili kita magsuot lang kun adunay pulis atong makit-an kun dili suoton gayud kanunuay tungod kay alang kini sa kaayuhan natong tanan, panapos ni konsehal Girlie Balaba. (Sangguniang Panlungsod – Cagayan de Oro)