13 kababaihan nailigtas sa isang prostitution den sa Makati City

Aabot sa 13 kababaihan ang nailigtas ng mga otoridad mula sa isang prostitution den sa Makati City.

Ayon kay Police Col. Rogelio Simon, nakatanggap sila ng report na ginagawang prostitution den ang isang KTV bar sa Barangay Poblacion sa Makati City.

Kaugnay nito, na-aresto naman ang dalawang may-ari ng Taiwanese national na sinasabing may-ari ng KTV bar, at dalawang Filipino na nagsisilbi umanong bugaw sa mga naisalbang kababaihan.