Radio Philippines Network
DYKC Cebu News Provincial News

13 Ka DAR Officials Sa Sugbo Posibleng Mag-Atubang Og Kaso; 2K Kapin Ka Titulo Sa Yuta ‘Gitagoan’

Cebu City – Gipaabot nga mag-atubang og kasong criminal ug administratiba ang 13 ka opisyal ug sakop sa agrarian reform sa Sugbo dihang gisakpan ang duha ka sako nga gisudlan sa 2,007 ka land titles.

Si Kalihim John Castriciones sa DAR miingon nga ang wala maapod-apod nga CLOAs o Certificates of Land Ownership Awards sa Sugbo adunay registration dates gikan sa 1987 ngadto sa 2020.

Atol sa online press conference, si Castriciones miingon nga nakalitan siya sa maong discovery hinungdang iya dayong gimando ang imbentaryo sa maong mga dokumento.

Suma pa sa opisyal, ang mga titulo sa yuta nga angay untan giapod-apod sa mga benepisyaryo sa agrarian reform nakit-ang gitagoan sa sako sud sa buhatan sa LTID o Land Transfer and Implementation Division sa DAR provincial office.

Alang ni Castriciones, di makiangayon sa mga mag-uuma ang maong sitwasyon.

Midugang si Castriciones nga ilang nasuta nga ang mga CLOAs pito ka tuig nang gitipigan hinungdang nahikawan ang mga benepisyaryo pagpanag-iya og luna ubos sa CARP o comprehensive agrarian reform program. (Jhon Tadlip/JTY)

(News & photo courtesy of Department of Agrarian Reform)

Related posts

Murder Suspect Captured At Brgy. Makiang, Siocon, Zamboanga Del Norte

RPN

LGUs Urged To Submit Specimen For RT-PCR Test Within 24 Hours

RPN

Zambo Mayor Orders Manhunt On 17 Travellers From Surigao, 1 Is COVID-19 Positive

RPN