Radio Philippines Network
DZRL Batac News Provincial News

Gob. Manotoc, Nagpanawagan Iti Panangseryoso Dagiti Ubbing Ken Agtutubo Iti COVID-19

Nagpanawagan ni Gob. Matthew Marcos Manotoc kadagiti ubbing ken agtutubo a mangseryoso iti COVID-19.

Daytoy ket kalpasan nga umad-adu ti bilang dagiti ubbing ken agtutubo a map-apektaran iti nasao a sakit ken adda payen dagiti pimmusay.

Maladingitan ti gobernador nangnangruna iti pannakakitana kadagiti agtutubo ken ubbing iti ruar a saan nga agus-usar iti “face-mask”.

Ginutigotna dagitoy a mangpanunut kadagiti kameng ti pamilia ken papagayamda a mabalin a maapektaran no matamaanda ti virus bayat ti kaadda dagitoy iti ruar a saan a nagusar ti “face mask”.

Umapela pay ni Gob. Manotoc kadagiti kapamilia, kabagyan, nagamak ken ti komunidad a makikammayet a mangdoble kadagiti tignay nga ar-aramiden ti gobierno ania man ti tawen ken kundisyon ti salun-at dagiti kakailian.

Mangnamnama ti gobernador a maawatan dagiti ubbing a dagitoy ket saanda a mailaksid kadagiti mabalin a matamaan ti COVID-19.  (Ronald Domingo, RPN DZRL Batac Correspondent)

(Source: Provincial Government of Ilocos Norte Communications & Media Office)

Related posts

City Hospitals Record 47% Occupancy Rate

RPN

Entrapment Operation on Falsification Of Public Documents

RPN

COVID-19 Cases In Neg. Occ. On The Rise Too

RPN