Radio Philippines Network
DYKC Cebu News Provincial News

Lima Ka ‘Abortionist’ Nadakpan Sa NBI, Mga Gamit Nasakmit

Cebu City – Nag level up ug gipaagi na sa social media ang pagpangita ug kliyente sa lima ka gipasanginlan nga abortionist kinsa nadakpan sa entrapment operation sa National Bureau of Investigation (NBI), Lunes, Mayo 3.

Basi sa mga dokumento nga gi presentar sa NBI sa presscon, dunay package nga 30 mil pesos niadtong gamitan ug medical materials, samtang duna say 9 mil pesos lang nga tomaran lang ug mga tabletas o capsule.

Mag-atubang ug kasong intentional abortion ang mga suspetsado nga sila Joey Paulino Guirigay,38, Computer programmer, molopyo sa Syudad sa Tagbilaran, Bohol; Francisca Rebamonte,42, taga Cogon Pardo; Gloria Gabutin, taga Calamba, Dakbayan sa Sugbo; Maryteisse Rural, 59, taga Barangay Perelos, Syudad sa Carcar ug Ampara Gemarangan, 82 nga taga Barangay Mohon, Dakbayan sa Talisay.

Gilusad sa NBI ang operasyon human sila nakadawat ug kasayuran gikan sa ilang informant kalabot sa kalihukan sa grupo.

Si Guirigay nadakpan sa V. Rama Avenue dihang mokuha na unta sa kwarta sa babayeng buntis ug walo ka buwan nga kuyug sa NBI 7.

Nasikop si Gabutin ug Rural sa Labangon, Syudad sa Sugbo.

Unang nadakpan si Gemarangan ug Rebamonte sa Mohon, Talisay City.

Gamit ang fake social media account, si Guirigay gi ingong makig chat sa ilang prospect nga mga babaye nga gustong magpa kuha sa ilang gisabak.

Si Rebamonte , matod pa, mao nay mo facilitate sa sunod nga proseso ug mopapili sa baratohon og mahal nga package.

Dunay balay sa Talisay nga gihimong klinika alang niadtong mas mahal nga package sa kantidad nga ₱ 30,000, gamit ang medical instrument.

Nasakmit atol sa operasyon ang mga nagkalain-laing instrumento ug magamit nga ebidensya nga naglakip sa  speculum, suction syringe, rubber mat ug plastic basin.

Depensa sa usa sa mga suspetsado nga dili iyaha ang mga gamit ug  igo lang kini gibilin ug kuhaon ra sab sa parente sa usa ka doktor. (Jhon Tadlip/JTY)

(News & photo courtesy of National Bureau of Investigation 7)

Related posts

Public School Teacher Falls In Maguindanao Drug Buy-Bust

RPN

Pahibalo Sa Mga Konsumante

RPN

Agri Chief Visits PRDP Subprojects In Davao De Oro

RPN