Mukabat ngadto sa 104,000 doses sa Sinovac Vaccine nahiabot dinhi sa dakbayan sa Dabaw lulan sa Cebu Pacific flight 5J975 nga mitugpa sa Davao City International Airport kagahapon sa buntag, Agosto 4.
Ang nasangpit nga mga bakuna ipang-apod-apod sa mga nagkadaiyang probinsiya sa Davao Region alang sa nagpadayon nga Covid-19 vaccination program.
Niining kasamtangan mukabat na sa 1,670,440 doses nga bakuna nadawat sa rehiyon diin pinaka-daghan niini ang Coronavac nga Sinovac nga miabot sa 800,160 doses. Samtang anaa sa 365,620 doses ang AstraZeneca, 342,810 ang Pfizer-BioNTech, 143,850 ang Janssen ng J&J, 12,000 doses ang Sputnik V sa Gamaleya ug 6,000 ang Moderna Spikevax.
Padayon usab nga nag-awhag ang Department of Health Davao ngadto sa katawhan nga magpalista na ngadto sa ilang tagsa-tagsa ka Local Government Units alang sa schedule sa pagbakuna.
(Source: Department of Health Davao)