Davao de Oro – Napulo gyod ka mga Rice Farmer Associations sa Davao de Oro ang giaporan paghatag bag-o lang mismo ni Gov. Jayvee Tyron Uy og tag 1-Unit nga Rice Combine Harvester nga gipalit sa Department of Agriculture (DA) gamit ang Rice Competitiveness Enhancement Fund (RCEF), nga dakong tabang matud sa gobernador nga mogamay ang production cost sa ingon modako ang kita sa mga mangunguma nga nagtanom ug humay.
Iyang nakauban niadtong Huwebes (Marso 25,2021) sa malampusong “Turn-over Ceremony of Agricultural Machinery” diha sa Provincial Agriculturist Office (PAGRO) sa kapitolyo ang mga dagkong opisyal sa DA, si BM Macario Humol, si Assistant PAGRO Chief Ronald Sibayan, ug Assistant SP Secretary Ivan Kleb Ulgazan nga maoy mihatag sa mensahe ni Vice Gov. Maricar Zamora.
Nahatagan sa tag 1-unit nga Rice Combine Harvester ang “Banagbanag Irrigators’ Association” sa Montevista; ang “Tigbao Farmers Irrigators’ Association” sa Maragusan; ang “Lower Naboc Irrigators’ Association” sa Monkayo, ang “Pantud Nabunturan Irrigators’ Association”; ang “Mawab Integrated Irrigators’ Association”; ang “Kidawa-Sta. Emilia Farmers Irrigators’ Association” sa Laak; ug sa New Bataan ang “Batinao, Cabacungan, Sto. Nino Irrigators’ Farmers Association”, ang “Panag Main Canal Farmer Irrigators’ Association”, ang “Riverbank Magsaysay Farmers Irrigators’ Association”, ug ang “Panag Relocation Farmers Irrigators’ Association”.
“Usa ka dakong industriya sa atong probinsya ang rice farming. In fact, in the recent years, apil sa ginakonsiderang rice-sufficient provinces ang Davao de Oro. Busa karong adlawa atong gi turn-over ang mga agricultural machineries gikan sa Rice Competitiveness Enhancement Fund sa Department of Agriculture (DA) para sa ten (10) ka rice farmer/irrigators’ associations sa probinsya. Pinaagi niining machineries, at least makatabang-tabang kita pag lower sa production cost ilabi na karon nga baba ang palit sa atong mga humay. Unta kining machineries makagaan-gaan sa atong mga mag-uuma. Dako ang atong pasalamat sa DA for assisting our farmers, to our PAGRO for actively facilitating, to our municipal agriculture offices, to our farmers and irrigators’ association, to our barangay agricultural extension workers, and to everyone nga nagapaningkamot para sa atong tanang mga rice farmers.” Matud ni Gov. Tyron Uy.
(Gilbert M. Cabahug, PAO-ID DDO | Michael Manguhig, RPN DXKT Davao OIC, photo courtesy by RAlvarez)