Un persona el ya aresta y ya confisca P742,608 valor de smuggled cigarillo el mga autoridad na provincia del Zamboanga Sibugay, asegun con el policia del Domingo.
El mando regional del policia, o Police Regional Office-9 (PRO-9), nohay nombra con el arestao persona con quien ya aresta mga alas 10:40 del Sabado denoche na Barangay San Pedro, Tungawan, Zamboanga Sibugay.
Asegun con el policia, con el mga smuggled cigarillo ya puede confisca cuando enseguidas sila ya establisa un checkpoint en coordinacion con el militar na Barangay San Pedro, Tungawan.
El policia ya habla, con el mga smuggled cigarillo ya puede confisca mientras ta transporta con el mga contrabando para na municipio de Ipil, el capital del provincia de Zamboanga Sibugay.
Asegun con el policia, total de 648 reams de diferentes clase de cigarillo el ya confisca que tiene el valor de P742,608. Ya confisca tamen un vehiculo.
Con el arestao persona, hunto con el mga confiscao contrabando y vehiculo, ya lleva para na quartel del policia na municipio de Tungawan para el propio accion legal. (B. Garcia)