El mga autoridad a aresta un elejido official de gobierno na un operacion contra droga ilegal na provincia del Zamboanga del Norte, asegun con el policia del Domingo.
El mando regional del policia, o Police Regional Office-9 (PRO-9), nohay identifica con el arestao persona puera lang de habla’r un consejal ele na Barangay Baybay, Liloy, Zamboanga del Norte.
Asegun con el policia, con el oficial ya aresta na un operacion de compra busto mga alas 6:47 del Miercoles denoche na Purok San Jose, Barangay Baybay, Liloy.
Asegun con el policia, durante el aresto del official, ya confisca na su posesion tres gramos de suspechao shabu enpaquetao na 12 termosellada transparente plastico sobrecitos que tiene el valor de P20,400.
Asegun con el policia, el oficial hay enfrenta el caso por violacion del Ley Integral de Drogas Peligrosas de 2002.
Asegun con el policia, el aresto del official ta descata el inquebrantable dedicacion del PRO-9 para combate contra droga ilegal y asegura cay aquellos envuelto es responsable a pesar de todo rango o posicion. (B. Garcia)