Un miembro del grupo de terorista comunista, New People’s Army (NPA), el ya muri na un tirahan contra con mga soldao na provincia del Sultan Kudarat, asegun con el militar del Domingo.
Asegun con el 6th Infantry Division (6ID), el tirahan ya socede mga alas 11 del Sabado aga na Barangay Baluan, Palimbang, Sultan Kudarat.
Asegun con el 6ID, el mga tropas del 57th Infantry Battalion (57IB) ta conduci patrulla de seguridad cuando ya dale sila encuentro y ya man tirahan contra con mas o menos 20 rebelde NPA que ya resulta na muerte del un rebelde.
Asegun con el 6ID, el mga tropas del 57IB ta hace todo’l esfuerzo para establisa el identificacion del muerto rebelde NPA, de quien cadaver ya abandona cuando ya istindi su mga compañeros.
El 6ID ya habla, ya recubri el mga soldao un rifle M-16 y un rifle M-14 y otros pa materiales que ya abandona mga rebelde NPA na lugar del tirahan.
Mientras tanto, si Brigadier General Michael Santos, el comandante del 603rd Infantry Brigade, ya ordena con su mga tropas para conitnua hace lagas con el mga rebelde NPA. (B. Garcia)