Pagadian City – Taliwala sa nagkataas nga kaso sa COVID-19 sa lalawigan sa Zamboanga del Sur, gibungat ni ZDSMC Chief Dr. Anatalio Cagampang Jr. nga ang katawhang Zambosurian mao ang tinuod nga anaa sa frontline sa pandemya ug ‘last liner’ na ang hospital.
Gipasabot ni Dr. Cagampang nga ang tinuod nga pakigbisog batok sa virus anaa na sa komunidad og dakong kaakuhan sa matag usa ang pagsanong sa preventive measures aron dili na mokuyanap pa ang COVID-19.
Gibutyag sa doktor nga miabot na og 63 ka mga health care workers sa ZDSMC ang nagpositibo sa COVID-19 ug kung padayon kining mahitabo, pwedeng mo-collapse ang health care system sa probinsya.
Paghangyo ni Cagampang sa katawhan, magpundo sa balay kung walay importanteng lakaw, magsuot og face mask ug i-practice ang proper hygiene. Labaw sa tanan matud niya, importante kaayo ang magpabakuna aron makatampo sa gitinguhang herd immunity.