Mga personajes del pulisiya local hunto con mga pulis Batangas y Tarlac ya aresta con un notorioso persona nombrao como el Top 9 most wanted person na jurisdiccion del Zamboanga City Police Office (ZCPO) Station 1.
El pulisiya local ya nombra con el arestao persona como si Jordan Jay Juan Eugenio, treynta anios el edad, un trabajante de construccion y nativo del ciudad de Zamboanga.
Con Eugenio ya aresta del Biyernes tarde alla na Barangay Mataas na Lupa, ciudad del Lipa, Batangas.
Asegun con el pulisiya cay si Eugenio listao tamen como uno de most wanted person na Region 4A.
El pulisiya ya habla cay si Eugenio tiene pendiente dos orden de aresto desde’l por el crimen de robo con total piansa de siento treynta’y dos mil de pesos. (Benjie Diones)