Maga oficiales del “Zamboanga City Livestock and Poultry Board (ZCLPB)” ya man hunta para descuti maga asuntos relatao na infeccion ta lleva el African Swine Fever (ASF) y aserca tambien con el amenaso del Avian Influenza aqui na ciudad.
Aquellos quien ya atende con el hunta ta incluwi si Eric Harina, el co-chaiperson del ZCLPB; Veterinario del ciudad, Dr. Mario Arriola; asistente ejecutiva Amado Natividad, Hijo; y hefe del regulatory division del Departamento de Agricultura, Dr. Darwin Lloyd Sulay.
Ya atende tamen con el hunta maga representantes del maga “hog raisers”, Bureau of Animal Industry, y National Meat Inspection Service.
Asegun con Arriola ya descuti sila na hunta sobre el establisida del maga checkpoints para chekya el transportada del maga vivo y carne Puerco aqui na ciudad y otros pa.
Base na mas reciente lista del oficina del veterinario del ciudad cay tiene ya el total de tres mil siento setenta’y ocho Puerco ya muri por causa na infeccion de ASF.
Asegun con el infeccion de ASF ya man calayat ya na veinte nueve barrio aqui na ciudad y ocho sientos treynta’y ocho hog raisers el afectao. (Bong Garcia, Jr., photo courtesy of Department of Agriculture IX)