Dos suspechao myembros del Grupo Abu Sayyaf el ya rindi del Domingo aga con el fuersa military na provincial de Basilan.
Si Major Andrew Linao, portavoz del Mando de Weste Mindanao, ya nombra canila como canda Mujahav Elong, treynta’ siete anios el edad y si Ahmad Wakil treynta’s dos anios, amobs maga residentes del municipio del Ungkaya Pukan, Basilan.
Asegun con Linao cay el dos myembros del groupo Abu Sayyaf ya rindi por medio del esfuerso del 18th Infantry Battalion y Moro National Liberation Front, quien ta ayuda con el govierno para tene paz na Basilan.
Si Linao ya habla cay canda Elong y Wakil ya entrega dos armas de fuego de alta caliber cuando ya rindi sila del Domingo.
Canda Elong y Wakil maga sigidores Furuji Indama, un lider del Abu Sayyaf na Basilan quien ya muri na un encuentro contra mga soldao del anio dos mils veinte. (Bong Garcia)