- Advertisement -
El pulisiya local ya aresta con un persona tiene pendiente orden de aresto por el asunto de droga ilegal na un law enforcement operation ayer na Barangay Sinunuc, este ciudad.
El Police Station 8 ya nombra con el arestao persona como si Rojas Randel Sidney, treynta’y cuatro anios el edad y residente de Sinunuc.
Con Sidney ya aresta mga alas dose dies del medyo dia ayer.
Asegun con el pulisiya cay si Sidney ta enfrenta asunto de droga ilegal na jusgado y tiene pendiente orden de aresto con el piansa de dos sientos mil de pesos.
Si Sidney na temporary custodiya ahora del pulisiya local y eperansao conele entrega na jusgado. (April Boy Regino)
- Advertisement -
