Surigao: Proposed Economic Zone, Airport, Water Source og E-Car Battery Plant gisusi pinaagi sa Aerial Survey

0
0

Pinaagi sa kamanduan ni Governor Nilo P. Demerey Jr., dayong gipahigayon ang usa ka aerial survey sakay sa usa pribadong helekopter sila Provincial Environment and Natural Resources Dinagat Islands Zacarias Vales og Provincial Community Affairs Officer Jay Benitez kauban ning tigbalita nung Agosto 9, 2022.

Visit RPN DXKS Surigao

Una og personal nang gimapa mismo ni Governor Demerey ang mamahimong ruta sa aerial survey, gabie, adiser ang actual nga kalihukan. Lakip sa mga buot makita sa Gobernador ang luna nga pahimutangan unya sa pagatukoron nga planta sa baterya alang sa mga Electronic Cars nga nahimutang sa Brgy. Mabini sakop sa lungsod sa Cagdianao.

Mahinumduman nga niining nakalabay nga bulan sa Hulyo 2022, personal nga nakigkita og nakigkulukabildo ang gobernador sa inilang negosyante nga si Ramon Ang didto sa kaulohan aron hisgutan ang kagustuhan niini nga mugahin og pundo sa kantidad nga mosobra mukulang 500 milyon dolyares para matukod ang giingon nga planta.

Kung ugaling magsugdan na kini nga planta, dako ang mamahimong ambag niini sa natad sa panarbaho tungod kay nagkinahanglan kini sa mosobra 10 mil (10,000) ka mga empleyado.

Sa susamang bahin, lakip nga gisusi sa aerial survey ang kahimtang sa Del Pilar dam nga nahimutang sa Brgy. Del Pilar sakop lungsod sa Cagdianao nga diin una nang nasabutan sa mga membro Dinagat Islands Water Council nga maoy posibling makuhaan sa suplay sa tubig alang sa pito ka mga lungsod sa lalawigan. Mahinungdanon kini nga lakang ni Governor Nilo P. Demerey Jr. isip dinalian nga sulosyon sa padayong nasinati nga krisis sa tubig ilabi na sa lungsod sa San Jose.

Gitan-aw usab ang sugyot nga luna nga pagatukuran unya sa International Airport og Proposed Economic Zone nga anaa mahimutang sa lungsod sa Basilisa. Kung balikan paglantaw, 40 ka adlaw gikan sa iyang paglingkod isip bag-ong Gobernador sa lalawigan sa Dinagat, daghan na ang mga nahimong mahinungdanon nga lakang og plano ang nabuhat ni Governor Demerey sa iyang pangatungdanan, prioridad niini ang Industrialisasyon, Turismo, Pangisda og Panguma, ingon man ang paghatag og dinaliang solusyon sa mga indibidual nga suliran pinaagi sa gimuntar niini og

“Remedy Action Center” nga bukas 24 oras sulod sa 7 ka adlaw sa semana.

(Source: Province of Dinagat Islands – Provincial Information Office Facebook page)

LEAVE A REPLY

Please enter your comment!
Please enter your name here