PWD patay human milukso sa suba sa CDO

by RPN News
0 comment
PWD patay human milukso sa suba sa CDO

CAGAYAN DE ORO CITY – Nakit-ang patay ang usa ka Person with Disability o PWD human miambak kini sa Jr Borja Bridge sakop sa Barangay 17 ning syudad sa Cagayan de Oro. Ang biktima naila nga si Ryan Lutching, 21 anyos nga molupyo sa Zone 2 Bolao sakop sa barangay Iponan ning dakbayan.

Matud pa sa inahan sa biktima nga usa ka amang nga 3rd party ang hinungdan sa paghikog sa iyang anak. Nasayran nga gibilin una daan sa biktima ang iyang bag ug cellphone ayha siya miambak sa suba.

Apan bisan pa sa asoy sa inahan, gisugyot gihapon sa kapolisan pinaagi ni SPO2 Randy Estrada, imbestigador sa Carmen Police Station nga ipaubos sa otopsiya sa patay’ng lawas sa biktima. Ang pamahayag gihimo ni Estrada human dili kombinsido si Ginang Lutching nga walay foul play sa kamatayon sa iyang anak.

Una nang nasuta nga adunay bun-og sa lawas sa biktima tapos kini narecover nga naglutaw sa suba sa Cagayan de Oro.

Related Posts

Leave a Comment