Pagka-Terminal Supervisor Nan Isa Ka Traffic Enforcer, Gustong Maklarohan

Tagsulti ni Vice Mayor Alfonso Casurra, an presiding officer nan Sangguniang Panlungsod syudad nan Surigao, na isa sa mga agenda sa pinaka-una na regular session nan konseho sa tuig 2019 an pagpa-klaro gikan sa human resource office subay sa reklamo nan mga stall holders sa Surigao City Land Transport Terminal kabahin sa pangatungdanan isip terminal supervisor nan isa ka Mr. Gonzaga, nga nahibaw-an nag-hupot nan regular item position isip traffic enforcer.

Dugang pa nan bise mayor na gusto nila maklarohan gikan an tinuod na kahimtang sa pangatungdanan labi na sa asta ini na amo ra nan terminal manager human nga natudlo si Mr. Threlcie Villaces isip CDRRM (City Disaster Risk Reduction Management) officer.