Posibleng hindi matuloy ang pagbabalik sa bansa ng ilang NDFP o National Democratic Front of the Philippines.
Nakatakda sanang makipagpulong sina NDFP Chair Fiel Agcaoili at NDFP Chief Negotiator Luis Jalandoni kina Presidential Adviser on the Peace Process Jesus Dureza sa posibleng pagbabalik.
Ayon kay Communist Party of the Philippines Founder Jose Maria Sison, nakatakdang lumipad pabalik sa bansa si Agcaoili bukas, Nobyembre 19 kung masisiguro ng gobyerno na hindi siya aarestuhin.
Maari aniyang kanselahin ni Agcaoili ang kanyang byahe kung hindi magbibigay ng assurance ang pangulo na siya ay magiging ligtas at hindi kakasuhan.
Samantala hindi naman matutuloy ang pagbabalik sa bansa ni Jalandoni dahil sa banta ng pag aresto ng dating heneral at ngayo’y interior secretary Eduardo Año.