Online at banking channels ng BPI balik normal na

Balik normal na ang online at banking channels ng Bank of the Philippine Islands (BPI).

Ito ay matapos magkaaberya ang serbisyo ng mga automated teller machines ng BPI, kung saan hindi makapag-withdraw ang ilan nitong customers.

Ayon sa BPI, bagama’t magagamit na ang mga banking channels ay posible pa ring makaranas ng kaunting kabagalan ang ilan sa mga customers nito.

Matatandaang, nagsagawa ng tatlong araw na scheduled maintainance ang BPI, bago magkaroon ng aberya ang mga electronic channels ng nasabing bangko.